Nesten 40 prosent stryk på teoriprøven

Statens vegvesen har gjennomført over 110 000 teoriprøver så langt i år. I underkant av 40 prosent har enda med stryk. Det skriv Statens vegvesen på sine nettsider.

– Sjølv om dette er noko betre enn det var på same tid i fjor, er andelen som stryk framleis for høg, seier avdelingsdirektør i Statens vegvesen, Heidi-Kristin Herbst.

– Vi oppmodar alle som skal ta førarkortet til å førebu seg godt og lærekøyre mykje. Start så tidleg som mogleg, slik at du får mest mogleg erfaring. Den beste læringa er den som skjer over tid, og sommaren er eit fint høve til å øve mykje. Målet vårt er at fleire skal bestå både teoriprøva og oppkøyringa på første forsøk. Det vil gjere køen kortare for alle, seier Herbst.