Talet på kunngjorde sommarjobbar i denne perioden er 63 prosent fleire enn i fjor, ifølgje Nav.
– Den store auken kan komme av at mange arbeidsgivarar opplever at det er vanskeleg å få tak i folk no. Dei slit med å fylle faste, ledige stillingar og har derfor eit større behov for å få tak i ferievikarar, seier arbeids- og velferdsdirektør Hans Christian Holte.
Han seier at det vanlegvis er litt seint å sjå etter sommarjobb i mai, men det er absolutt ikkje tilfelle i år.
