Folkehelseinstituttets studie viser at unge fastlegar tilsynelatande ikkje liker å jobbe mykje ved legevakta.
Foto: Jil Yngland / NTB / NPK
Mykje legevaktarbeid bidreg til at unge fastlegar sluttar
Unge fastlegar sluttar ikkje på grunn av for mange pasientar, men fordi arbeidsstaden er avsidesliggjande eller fordi legevaktarbeid krev for mykje av dei, viser ein studie frå FHI.
Folkehelseinstituttet har følgt 2038 fastlegar under 40 år som byrja i jobben mellom 2018 og 2018. Rundt éin av fire hadde slutta innan utgangen av 2020.
– Funna våre viser at det ikkje nødvendigvis er arbeidsmengda som driv unge fastlegar bort, men heller strukturelle faktorar som arbeidssituasjon og lokasjon, seier seniorforskar Katrine Skyrud.
Det som i størst grad forklarte fråfall var til dømes dersom dei unge fastlegane jobba meir enn 50 dagar i året på legevakta.
