Norsk Tipping si Grasrot-ordning er frivillige lag og organisasjonar sin unike sjanse til å sikra seg inntekter utan å gjera anna enn å få folk som tippar til å registrera seg til fordel for ein bestemt klubb. I fjor kom det inn rundt 771 millionar kroner til grasrota, som utgjer sju prosent av overskotet. Norsk Tipping melder om ny utbetalingsrekord etter ein auke på 34 millionar kroner frå året før.
Av desse er det idretten som samla får mest. I fjor fekk idrettslag over heile landet til saman over 394 millionar kroner. Foreiningar i kategorien rekreasjon og sosial aktivitet fekk 80 millionar, medan ulike mottakarar innan kunst og kultur fekk rundt 72 millionar kroner. Topplista i dei ulike fylka viser at dei store, kjente sportsklubbane og dyrevernorganisasjonane er blant folk sine utvalde føremål stort sett i heile landet.
— Viktige pengar
