Meir resistens mot plantevernmiddel i norsk landbruk

Plantevernmiddel er viktige for å ta knekken på skadegjerarar i landbruket. No viser ny forsking at resistens mot slike middel er eit aukande problem også i Noreg.

– Det er ei utfordring med plantevernmiddelresistens i norsk landbruk. Vi har jobba med dette ein del år og vore klar over situasjonen, men i Resistopp har vi avdekt meir resistens enn forventa. Det gjeld ikkje berre resistens mot enkeltpreparat, men vi har eksempel på sopp som kan vere resistent mot opptil 5-6 middel, sier Arne Stensvand, seniorforskar og leiar for prosjektet Resistopp, til nibio.no.

Resistopp er finansiert av Nibio og Norges Forskningsråd. Arbeidet er gjort i samarbeid med produsentar, Norsk Landbruksrådgiving, plantevernmiddelfirma og forskingsinstitusjonar i andre land.