Etter å ha starta i Jobbsjansen fekk Hafida Hammuchi fast stilling hos Silje Harfallet i verksemda 4Service. – Eg trenar på norsk kvar dag, eg lærer mykje og eg treffer folk, fortel Hammuchi, som likar å jobbe med mat.
Foto: Simen Slette Sunde / IMDi
Meir pengar skal få fleire innvandrarkvinner ut i jobb
Jobbsjansen heiter tiltaket som styrkjer sysselsetjinga, og har fleire positive effektar: Fleire innvandrarkvinner i jobb kan bidra til å redusere barnefattigdom, auke likestillinga i innvandrarmiljøa og skaffe landet meir arbeidskraft.
– Vi treng at alle som kan jobbe, er i jobb. Jobbsjansen får vi fleire innvandrarkvinner inn i arbeid og utdanning. Derfor aukar vi løyvinga til dette neste år, slik at rundt 1170 innvandrarkvinner kan delta i programmet. Det gir meistring, sosialt nettverk og økonomisk sjølvstende for kvinnene, og det betrar integreringa, seier arbeids- og inkluderingsminister Tonje Brenna i ei pressemelding.
I statsbudsjettet for 2025 auka Stortinget løyvinga til Jobbsjansen med 68 millionar kroner. Det gir 170 fleire innvandrarkvinner høve til å delta i arbeidsretta program.
