Meir butikk – mindre lagringsplass

Varene frå butikken Baretti er blitt flytta inn i det tidlegare Lekia-lokalet mens Barettilokala blir ombygd. Når ombygginga er ferdig, så flyttar dei tilbake igjen. Skjalg Ottøy med sin Hermann-butikk låner ledige lokale som ligg til venstre for hans butikk. Slik kjem dei raskast i mål med arbeida.

TYSVÆR:

– Det var heilt strålande for oss at Lekia-lokala var ledige og at me kunne bruke dei under ombygginga. Viss ikkje måtte me ha stengt for ein periode, og det vil me jo helst ikkje, seier Grethe Utvik Gaard som er dagleg leiar i Baretti.