I motsetning til dei to konkurrerande prosjekta har båtlaget si løysing for den omstridde tomta like ved kulturhuset i Ølen, lagt stor vekt på føremål til ålmenta. Hamnesjef og styremedlem i båtlaget, Magnar Nøkland er optimistisk før politisk behandling.
— Eg føler me har fått til ei svært god løysing som ivaretar interessene for eit heilskapleg område med kulturhus, ny aktivitetspark og Ølen vgs like ved. Me har mange som heiar på oss og opplever å ha hundre prosent oppbacking frå andre aktørar i området og bygdefolket, seier han.
