Organisasjonen Barn av Rusmisbrukere etterlyser nasjonal registrering av barn som er med på ruspåverka køyreturar.
Foto: Gorm Kallestad / NTB / NPK
Manglar oversikt over barn utsette for ruskøyring
Dei krev også tydelege rutinar for oppfølging av desse barna.
– At myndigheitene ikkje har noka form for oversikt over i kva omfang barn blir ramma av ruskøyring, og heller ikkje korleis barna blir følgde opp, er både sjokkerande og uakseptabelt, seier generalsekretær i BAR, Kristin Oudmayer, i ei pressemelding.
Kvar dag skjer det rundt 140.000 ruspåverka køyreturar på norske vegar, og mange av desse føregår med barn i bilen. Det finst likevel ingen nasjonal registrering av kor ofte barn er involverte når foreldre køyrer i ruspåverka tilstand.
