Lyser ut 17 millionar til berekraftig verdiskaping i Vestland

– Me prioriterer utviklingsprosjekt som kan bidra til verdiskaping i Vestland gjennom berekraftig bruk av naturressursar, grøn næringsutvikling og innovasjon. Dette skal vera med og bidra til at Vestland blir det leiande verdiskapingsfylket, seier leiar for hovudutvalet for næring Oddmund Klakegg i ei nyheitsmelding.

Tilskotsordninga er retta mot kommunar, næringsaktørar, kunnskapsmiljø og andre utviklingsaktørar i fylket. Søknadsfristen er 19. juni.

I denne satsinga er målet verdiskaping og grøne arbeidsplassar i heile fylket. Her opnar fylkeskommunen for prosjekt knytt berekraftige bu- og arbeidsmarknadsregionar med like moglegheiter til å delta i verdiskaping.