Lokalt fjes i tv-ruta

Steinar Stuhaug er alarmoperatør i alarmselskapet Verisure og samarbeider med utrykningsvektarane til Securitas. I serien får sjåarane eit unikt innblikk i kva som skjer når alarmen går, og korleis alarmoperatørar, vektarar og naudetatar saman handterer brann, innbrot, akutt sjukdom og andre naudsituasjonar.

Verisure sin alarmstasjon i Oslo er den største i Noreg og blant Europas mest moderne. Den er bemanna med alarmoperatørar som overvaker nær ein kvart million bustads- og bedriftsalarmar over heile landet døgnet rundt, året rundt. Operatørane har ein travel kvardag i mange tilfelle kan liv og store verdiar stå på spel.

– Denne tv-serien er eit unikt høve for oss til å visa fram den livsviktige jobben som blir gjort på Verisures alarmstasjon og dei dyktige menneska som gjer den. Me håpar også at serien er med på å auka det generelle medvitet rundt viktigheita av alarm for både bustader og bedrifter, seier Robert Engen, Operations Director i Verisure Norge i ei pressemelding.