Lisa Myhre fekk øva seg på hjarte- og lungeredning på små barn, medan mannen Einar Myhre også fekk prøve seg. Med seg hadde dei vesle Ulrik – og fekk god rettleiing av kursleiar Anne Tone Salte Andersen.FOTO: RENATE SÆVAREIDBilde 1 av 3
Oddbjørn Vikestad og Helene Hardeland øvde på hjarte- og lungeredning på ein vaksen person, medan sonen Noah Hardeland-Vikestad følgde med. Etterpå fekk dei også prøvd seg på ei lita treningsdokke.FOTO: RENATE SÆVAREIDBilde 2 av 3
Kursleiar og leiar i Ølen sanitetsforening Anne Tone Salte Andersen demonstrerte korleis ein skal gjer hjerte- og lungeredning på ein baby.FOTO: RENATE SÆVAREIDBilde 3 av 3
Torsdag arrangerte Ølen Sanitetsforening førstehjelpskurs for småbarnsforeldre. Seks foreldrepar møtte opp saman med babyane sine, og engasjementet var stort.
— Det handlar ikkje om å kunna alt, men å våga gjera noko, seier Anne Tone Salte Andersen (72), leiar i Ølen sanitetsforeining. Ho har òg deltidsstilling ved Falck bedriftshelseteneste i Haugesund, og brenn for førebygging og tryggleik.
Sanitetsforeininga har fått 25.000 kroner frå SR-Bank-stiftinga, noko som gjorde det mogleg å kjøpa inn ei stor og to små treningsdokker til HLR-opplæring.
