Litt som Petter Smart

Ann Margit Grønstad

Det er for tida stor aktivitet i Festiviteten i Haugesund. Torleif Helvik har sine fyrste arbeidsdagar i den nye jobben som teknisk leiar og er allereie godt i gang med innrigginga til Grease som har premiere 29. januar. Mykje utstyr skal på plass. Scenografien vert sendt frå Litauen og er like om hjørna. Det er ikkje akkurat snakk om småtteri, ifølge Helvik, som foreløpig har god kontroll.

— Eg kjenner Festiviteten godt frå før, og det er ein fordel, trur 37- åringen frå Etne. Han har nemleg vore scenemeister på mange produksjonar ved Haugesund Teater og Festiviteten sidan 2010, alt i frå Pippi Langstrømpe til Les Miserables.