Dagleg leiar Anette Lauareid Hovda i Fikse Næringforening (t.v.) og jurymedlemmene Maren Tungesvik Tveiten frå Sparebanken Vest, Magne Christiansen frå Sparebank 1 Sør-Norge og Lars Olav Larsen i Haugesund Sparebank ønskjer hjelp frå lesarane til å finne kandidatar til prisane som skal delast ut på Olalia i mai neste år.
FOTO: TORSTEIN TYSVÆR NYMOEN
Leitar etter dei beste
Den 22. mai neste år blir den åttande utgåva av konferansen NæringsGiv arrangert på Olalia fjellstove. Konferansen har etablert seg som ein populær møteplass for lokalt næringsliv, og eit høgdepunkt er prisutdelingane der ein kårar Årets bedrift» og Årets gründer».
Juryen, som består av dei lokale banksjefane Magne Christiansen frå SpareBank 1 Sør-Norge, Lars Olav Larsen frå Haugesund Sparebank og Maren Tungesvik Tveiten frå Sparebanken Vest, har tidlegare funne fram til kandidatar på eiga hand. I år ønskjer dei at publikum kjem med forslag til verdige kandidatar.
— Nytt av året er at me ønskjer å presentere dei nominerte i kvar kategori på førehand. Berre det å vere nominert, er ein heider i seg sjølv. Vinnaren blir, tradisjon tru, ikkje avslørt før under sjølve NæringsGiv-arrangementet, fortel dagleg leiar Anette Lauareid Hovda i Fikse Næringsforening.
