Transportnæringa ønskjar eigne lastebil-kolonnar over Haukelifjell komande vinter. Samferdsleminister Knut Arild Hareide (KrF) seier nei. Arkivfoto
Langt fram for lastebil-kolonne
Samferdsleminister Knut Arild Hareide (KrF) seier nei til transportnæringa sitt ønskje om eiga lastebilkolonne over Haukelifjell komande vinter. Men han vil gå i dialog med næringa for å finne løysingar for framtida.
Då statssekretær Ingelin Noresjø møtte næringslivet i Etne og Vindafjord nyleg, lova ho å ta med seg eit ønskje frå mellom anna slakteriverksemda Fatland AS og transportselskapet Hustvedt og Skeie AS om å få laga ei ordning kor tungtransporten kunne få eigne kolonnar over Haukeli når fjellet er stengt grunna uvêr. Dette etter modell frå trafikkavviklinga på Hardangervidda, og allereie frå komande vinter. Ønskjet lova ho å ta opp med byråkratane i departementet.
Svaret har latt vente på seg, men stortingsrepresentant Terje Halleland (FrP) frå Vindafjord følgde opp saka då han stilte eit formelt spørsmål om saka til samferdsleminister Knut Arild Hareide (KrF) forleden. Han viste i sitt spørsmål til at framkomelegheita for lastebilnæringa er særs viktig, også vinterstid.
For omfattande
