Ei kvinne døydde etter å ha vorte påkøyrd av Bybanen i Bergen laurdag kveld, skriv Bergens Tidende.
Kvinna vart påkøyrd av Bybanen på Danmarksplass. Ho fekk hjarte-lunge-redning og vart frakta til sjukehus.
Kvinna vart liggjande fastklemt etter påkøyrselen.
Politiet har opplyst til Bergensavisen at Bybanen såg ut til å ha halde låg fart då ulykka skjedde.
Ifølgje innsatsleiaren frå politiet Knut Grini var det ingen teikn til at bybaneføraren hadde opptredd aktlaust, skreiv avisa. Bybaneføraren vart vareteken av ambulanse på staden.
