Kunst kombinert med informasjon om havbruk

Kunstinstallasjonen er også eit informasjonssenter om norsk havbruksnæring, og etter avdukinga vart det invitert til rundebordskonferanse og folkefest i Rosendal. Det blir rapportert om gratis sushi til alle, DDE i barnehagen og ei sol som endeleg valde å komme fram.

Fiskeriminister Bjørnar Skjæran (Ap) var med på å kaste glans over lakseauget, som skal inspirere oppdrettsbransjen til å bli meir miljøvennleg. Søkjelyset skal rettast mot alt frå sjukdom og lus til CO₂- utslepp.

– Senteret fortel historia om kva havbruk er, og lèt folk komme inn og sjå kva som faktisk skjer i næringa, seier Skjæran til IntraFish.