Komfyrvakt kan avgjera

— Dette blir flott. Og så enkelt. Me lagar all maten sjølv og er flinke til å slå av komfyren, men med alderen kan ein jo gløyma, seier Bernhard Vannes og takkar for komfyrvakta han nett har fått montert på komfyren heime i stova i Skånevik i samband med den brannførebyggjande aksjonen Komfyrvakt reddar liv».

— Me har valt ut ein tilfeldig husstand som får ei slik komfyrvakt gratis, fortel brannførebyggjande leiar Solveig Hortman som saman med Bjarne Bunes frå SØK og Etne El-lag stilte opp for å montera komfyrvakta hos ekteparet i Skånevik.

Bernhard og Hedvig Vannes klarar seg godt i kvardagen sjølv om dei dreg på åra, men litt ekstra tryggleik i kvardagen set dei pris på. Heime i huset har dei installert ulike hjelpemiddel for å hindra eller varsle ein eventuelt brann og som gamal el-lags mann veit Vannes kva som skal til for å gjera heimen trygg.