Kom heim til bygd utan mobildekning

John Erling Nordbø, sambuaren Elin Hundseid og deira to barn på to og fire år, er i ferd slå seg ned på hennar slektsgard ved nordenden av Fjellgardsvatnet i Vikedalsdalen. Garden ligg idyllisk til, med flott utsikt til Fjellgardsvatnet og fjellheimen. Men ein vesentleg ting manglar i paradiset: Stabil mobil- og internettdekning.

— Det kan gå på helsa laus. Bokstaveleg talt, når til dømes legen ringer og anten ikkje får signal i det heile, eller ikkje klarer å halde i gang ein mobilsamtale meir enn i nokre sekundar før ein blir broten, seier han.

Må ha møter i bil