Plassjef ved Af Offshore Decom, Stein Espen Bøe ser lyst på framtida. Første del av riggen Murchison er komen inn og supportsteinar for borretårn og prosessdelar ligg nøye oppmerka og klare for mottak.
Foto: Grethe Hopland Ravn
Klar for demontering
Rundt 40 personar har sitt faste arbeid tilknytt AF Offshore Decom på Raunes i Nedre Vats, men det siste halve året er det berre halvparten som har hatt jobb å gå til. Resten har vore permitterte. No ser tidene lysare ut enn på fleire år, for med gjennvinningskontrakten på plattforma Murchison reknar plassjef Stein Espen Bøe med at det blir høg aktivitet ved anlegget dei neste 2-3 åra.
— Murchison-prosjektet har eit femårs perspektiv på kontrakten, men den er fleksibel i forhold til gjennomføringa. Så dette blir eit samarbeid mellom oss og samarbeidspartnaren vår, Herema som står for løfting og transportering av riggar som skal inn til oss, seier Bøe.
Gode utsikter
