Avdelingsleiar i Omega 365 Complete, Jan Bauge ( bak f.v.), marknads- og forretningsutviklar i PDS Gruppen, Øivind Erland, konsernleiar i Omega 365, Petter Aalvik, administrerande direktør i PDS Protek, Geir Ivar Seime, styreleiar i Omega 365, Sigmund Lunde (framme f.v.), avdelingsleiar i PDS Protek, Trine Halsnes, dagleg leiar i Omega 365 Complete, Anders Lunde, og avdelingsleiar i Omega 365 Consulting, Jorunn Wathne Løhaugen, trur at samanslåinga av selskapa vil styrkje kompetansen og gi ny kundebase.
Pressefoto: Omega 365
Næringsliv
Kjøpte to selskap
Omega 365 Consulting, som har hovudkontor i Ølensvåg, har kjøpt PDS Protek og PDS Consult. PDS Protek hadde ein omsetnad på over 52 millionar i 2022, mens PDS Consult omsette for over 93 millionar.
Dette opplyser Omega 365 i ei pressemelding. Avtalen blei signert i desember, og er ifølgje pressemeldinga eit strategisk vegval for begge selskapa som ønskjer å styrke seg innan sektorane engineering og konsulentverksemd.
PDS Protek vart etablert i 1991 og utvikla seg raskt til å bli ein leverandør av ingeniør- og konsulenttenester innan olje og gass, prosessindustri, energi og havbruk. Sidan starten i 1991 har kjernedelen av PDS-verksemda vore rådgjevande ingeniørtenester til olje- og gassindustrien, i tillegg til landbasert- og prosessindustri.
Omega 365 Consulting er eitt av fleire dotterselskap i Omega-konsernet, som til saman har over 2.000 tilsette. Omega-konsernet hadde ein omsetnad på 2,5 milliardar i 2022.
