Blir overtatt av Berge Sag. Her XL-BYGG Gisholt og Finne AS si avdeling på Kjørbekk i Skien.
Foto: Gunnstein Koch
Kjøper XL-BYGG-selskap i Porsgrunn
Det er eit stort oppkjøp vågsbuane har gjort i Telemark. XL-BYGG Gisholt & Finne AS har i dag tre utsal med tilhøyrande lager i Grenlandsregionen, eitt i Porsgrunn og to i Skien. Samla omsetning i selskapet i 2018 var på 121 millionar kroner.
Bedrifta med 36 tilsette, har dei siste åra hatt ei veldig god utvikling, og framstår i dag som ein av dei leiande aktørar innan handel med trelast og byggevarer i Grenland, heiter det i ei pressemelding sendt ut seint torsdag kveld.
Den gode utviklinga kjem også fram i rekneskapen som i fjor viste 4,7 millionar i resultat før skatt.
