Kjem til kais i Ølen

Dette opplyste kommunedirektør Yngve Folven Bergesen under eit formannskapsmøte tysdag.

Sist veke var representantar frå Kongehuset og Statsforvaltaren i Rogaland på besøk for å planlegge besøket saman med kommunen. Tidlegare i prosessen har det vore aktuelt at kong Harald og dronning Sonja skal gå i land i Sandeid for å så bli køyrd til Ølen, kor det skal vere eit 90 minuttar langt arrangementet, men nå går det altså truleg mot at dei kjem inn Ølsfjorden.

I så fall blir det mogeleg for Kongeparet å også i det minste få eit glimt av Etne når dei passerer Børkjeneset på veg mot Ølen. Kongen har som kjent ikkje vore på offisielt besøk i Etne, ein av kommunar han enno manglar i samlinga» si.

Folven Bergesen fortalde om korleis arrangementet er planlagt løyst med parkering og stenging av vegar. Det er framleis planen å køyre alle skulebarn i kommunen til Ølen for arrangementet, men det har vist seg krevjande å få organisert grunna busskapasitet.

Ordførar Ole Johan Vierdal opplyste at kongeparet etter planen skal gå i land klokka 11.00.