Det kan tyda på at det blir eit godt rypeår. Det er nemleg observert meir smågnagarar i fjellet og då har rovfugl og rev meir å ete enn berre rypekyllingar.Foto: Håkon Mosvold Larsen / NTB / NPK
Mykje smågnagarar i Sør-Noreg gir håp om ein god rypehaust.
Observasjonar frå fjellområde over store delar av Sør-Noreg tyder på at me kan stå framfor eit lemenår, stadfestar seniorforskar Nina Eide ved Norsk institutt for naturforsking (NINA) til NRK.
– Me får meldingar frå feltoppsyn og forskarar om mykje aktivitet av lemen, særleg frå Hardangervidda og vidare nordover mot Innlandet, Trøndelag og til omtrent midt i Nordland, seier ho.
