Det siste døgnet er det registrert 473 koronasmitta i Noreg. Det er elleve færre enn same dag førre veke.
Dei siste sju dagane er det i snitt registrert 437 koronasmitta per dag.
Tilsvarande snitt for sju dagar sidan låg på 392, så trenden er stigande.
Ved midnatt natt til onsdag var det utført 5,2 millionar koronatestar her i landet sidan februar i fjor. I alt har 117.495 personar testa positivt.
Til no har 1.487.784 personar fått første dose av koronavaksinen, og 485.478 personar har fått andre dose.
Tysdag var 114 koronapasientar innlagde på sjukehus. Det var tre færre enn dagen før.
Til saman er 767 koronasmitta personar døde i Noreg sidan mars 2020, viser førebelse tal. Om pasientane har døydd av eller med covid-19, er ikkje alltid mogleg å slå fast.
58,9 prosent av alle døde har fylt 80 år. I aldersgruppa under 50 år er det meldt om 17 dødsfall i Noreg.
Oslo
Det er registrert 86 nye koronasmitta i Oslo siste døgn. Det er 15 under snittet dei sju dagane før.
86 tilfelle er 50 færre enn måndag, og 36 færre enn same dag førre veke. Dei siste to vekene har det i snitt vorte registrert 109 smitta per dag.
Smittetala er høgast i bydelen Grünerløkka. Der ligg smittetrykket på 388 smitta per 100.000 innbyggjarar dei siste to vekene, og det vart registrert elleve nye smitta i bydelen siste døgn.
Etter det følgjer bydelane Bjerke (338) og Stovner (291).
Bydelen Ullern har for tida dei lågaste smittetala. Der er smittetrykket på 93 smitta per 100.000 innbyggjarar dei siste to vekene, og det vart registrert fire nye smitta i bydelen siste døgn.
Totalt er 34.820 Oslo-borgarar registrerte smitta sidan mars i fjor.
