Hoggorm observert på nye stader

Hoggorm blir no observert fleire stadar der ingen har sett han før. Truleg har arten utvida arealet sitt, men det er usikkert om det har blitt fleire.

– Det er ein del observasjonar av hoggorm frå nye stadar, og fleire hoggormar på gamle stadar. Vi kan gjette på at det kjem av varmare klima, seier zoolog og førsteamanuensis emeritus Dag Dolmen til Forskning.no.

Likevel har ingen full oversikt over om det faktisk har blitt fleire hoggormar.

Lokale forhold spelar også inn, ifølgje Dolmen.

– I Trondheim finst ein forskingspopulasjon i Bymarka. Men her ser det ut til at det er færre hoggormar i 2024 enn det har vore tidlegare. Dette er truleg på grunn av berrfrost i vinter, seier Dolmen.

(NPK)