Historisk arkiv for bygda

Då Skakke stod ferdig i 2012 fekk også Etne kommune eit eige brannsikkert arkiv til å oppbevara ting med lokalhistorisk verdi. 13 nummererte reolar som kunne skyvast på berre med eit tastetrykk stod klare, men elektronikken svikta og reolane var ikkje til å rikke. Slik blei dei ståande i mange år, men rett før jul blei det automatiske reolsystemet fiksa og arkivrommet fekk endeleg sin funksjon.

— No har me også fått hjelp til å rydda i arkivet. Me har gått gjennom ein del ting og me er i ferd med å laga eige system for å registrera kva me har og kva som ligg inne på lageret, seier kultursjef i Etne, Mariann Sydnes.

Alt på ein plass