Her har både lensmann og ordførar hatt sin plass

— Det er klart det har vore mykje jobb, men eg synest det er kjekt, seier Arne Risøy.

For vel eitt år sidan blei han eigar av eit av dei kvite, eldre trehusbygningane i Sjoargata i Ølen. Vindafjord kommune ville først selja det gamle kommunehuset som ei tomt med krav om riving, men til slutt blei bygninga seld utan eit slikt krav, til 910.000 kroner.

— Bygget skreik etter måling utvendig, så det var det første som blei gjort. I løpet av året har også veggar og tak fått ny måling i første etasje, det elektriske anlegget er noko oppgradert, det er lagt nye teppefliser på golvet, to varmepumper er monterte og ein glasvegg har komme opp ved inngangspartiet i første etasje, fortel Risøy.