Heider for langvarig arbeid for lokalavisene

I høve leiarskiftet fekk avtroppande generalsekretær Rune Hetland tysdag stor takk, mange lovord og ei gullklokke for 25 års teneste for LLA og lokalavisene. Hetland skal halda fram som pressepolitisk rådgjevar i Landslaget for lokalaviser.

Bruvik skal nå leia avisorganisasjonen med over 110 lokalaviser landet rundt.

— Lokalavisene gjer ein svært god jobb i sine lokalsamfunn. Dei er viktige for innbyggjarane. Eg ser fram til å driva vidare det solide arbeidet som er gjort i LLA-familien sidan etableringa i 1976, seier Bruvik i ei pressemelding.