Detaljhandelen auka på landsgjennomsnittet i Vindafjord i fjor, men ikkje for alle. Anne Åsheim Stople i Hans & Grete i Ølen forklarer litt nedgang i handel i butikken i hovudsak med at folk skulle lite i fjor, og då var behovet mindre for å skaffe seg noko nytt.Foto: Jon EdvardsenBilde 1 av 2
Anne Åsheim Stople i Hans & Grete i Ølen er i ein bransje som mista handel i fjor. I løpet av dei snart 35 åra ho har drive butikken, har ho aldri opplevd før at folk fornyar garderoben i så liten grad. Årsakene til det er fleire.
— Folk skal jo ingenting med dei smitterestriksjonane som har vore. Vi var stengt ned i ein periode i fjor vår og no i den siste smittebølgja. Bryllaup blir utsette, få skal i konfirmasjon, det ikkje behov for nye, fine kle til 17. mai og feiringar blir avlyste. Slik var det i fjor, men no gleder eg meg og håpar på at det kanskje blir ei endring snart, seier Stople.
