– Vi er opptekne av at russen skal ha ei sikker russetid, også på vegen, seier Øyvind Lund i Statens vegvesen.
Foto: Statens vegvesen
Gratis kontroll av russebilar og -bussar
No tilbyr Statens vegvesen gratis sjekk av russebilar og russebussar. Om kontrollen blir godkjend får eigarane ein nyttig oblat.
– Har du russ i huset? Pass på at ho eller han kjem på kontroll hos oss, slik at vi får sjekka om bilen eller bussen dei skal bruke i russetida er trafikksikker, oppmodar Øyvind Lund i Statens vegvesen, i ei pressemelding.
Blir bilen godkjend, får han ein oblat i frontruta. Med denne oblaten, unngår russen større teknisk kontroll langs vegane i mai. Blir ikkje bilen eller bussen godkjend på gratiskontrollen, får ungdommane vite kva dei må rette opp for å rulle trygt gjennom russetida.
(NPK)
