Ordførar Ole Johan Vierdal (Sp) er på Medvind-bygget i Sandeid på onsdag.
Arkivfoto: Jon Edvardsen
Går lenger enn styret i SØK
Det kan bli lokal rift etter aksjar i SØK AS dersom det blir eit reint kommersielt selskap. Ordførar Ole Johan Vierdal (Sp) har fått marsjordre om å stemme for at 30 prosent av verdiane skal gå til ei stifting for allmennyttige formål.
Generalforsamlinga i SØK AS i dag blir ein finale i kampen om verdiane selskapet har gjennom aksjeposten i Haugaland Kraft. I avstemminga har alle, store som små eigarar, ei stemme kvar når skjebnen til ein indrefilet i pengeplassering blir avgjort.
Trass i at Vindafjord-ordførar Vierdal kjem med ein rimeleg stor aksjepost, har også han éi stemme slik som ein vanleg huseigar i kommunen. Det sørgjer vedtektene i selskapet for.
På fredag hadde 208 personar som representerer 256 aksjonærar meldt seg på til generalforsamlinga, men ingen aksjonærar blir stoppa i døra sjølv om dei ikkje har meldt seg på før møtet.
