Det blir høge straumprisar på laurdag.
Foto: Håkon Mosvold Larsen / NTB / NPK
Frivillighet Norge meiner det hastar å få straumstøtta ut til organisasjonane
Generalsekretær i Frivillighet Norge seier straumstøtta må ut til organisasjonane så fort som mogleg, dersom aktiviteten ikkje skal rammast ytterlegare.
— Dei har allereie fått straumrekningane, så ideelt sett skulle dei hatt pengane i går, seier generalsekretær Stian Slotterøy Johansen i Frivillighet Norge.
Torsdag kveld vart det klart at idretten og frivilligheita får 250 millionar kroner i straumstøtte frå staten.
— Vi har laga denne ordninga raskt, og ho kjem òg raskt ut, sa kulturminister Anette Trettebergstuen (Ap) til TV 2.
