Dei fleste tarefelta er i god stand før haustesesongen, viser Havforskingsinstituttets undersøkingar. Likevel frårår dei hausting på fire på Vestlandet.
Med video, ekkolodd og prøvetaking av tareplantar har Havforskingsinstituttet vurdert tilstanden på 32 tarefelt før haustesesongen går i gang 1. september.
– Tilstanden er god på dei fleste undersøkte felta som blei hausta for fire år sidan og tarevegetasjonen er storleiksmessig tilsvarande som i dei uhausta områda, seier havforskar Henning Steen.
