Flytta heim for å bli næringslivet sitt talerøyr

— Skal du flytta heim igjen til Etne ein gong, har du sjansen nå. Eg veit om ei ledig stilling som hadde passa godt til deg, var meldinga frå ein kamerat som ringde Nils Einar, og dermed tipsa han om at stillinga som dagleg leiar i Fikse Næringsforening var ledig.

For den utflytta etnebuen var dette interessant. Han tok kameraten på ordet og for første gong i sitt liv skreiv Nils Einar ein jobbsøknad.

Dei 17 siste åra har han sete i leiargruppa for First Hotels, han har vore med å bygd utanlandsmarknaden opp mot Skandinavia, og han har reist verda rundt. Mange gonger.