Følgjer opp E134. Her Frp-politikarane Terje Halleland (t.v.), Bård Hoksrud og Helge André Njåstad på besøk ved Håfoss i Etne i 2020.
Arkivfoto: Arne Frøkedal
Fleirtalet på Stortinget prioriterer Bakka-Solheim
Dette er klart etter at samferdsels- og transportkomiteen måndag ettermiddag ferdigbehandla Nasjonal Transportplan 2022-2033 og kom med si innstilling. Terje Halleland (Frp) jublar over innstillinga.
— I dag kan me gratulera alle som har arbeidd for ei prioritering av E134 og ei prioritering av å få dette prosjektet inn i første periode, seier stortingspolitikaren frå Vindafjord.
Hans parti har føreslått prosjektet prioritert i NTP med oppstart i første seksårsperiode. Nå har regjeringa, som opphavleg ikkje hadde Bakka-Solheim i sitt forslag til NTP, kome etter og føreslår 500 millionar kroner til oppstart i første planperiode.
