Oddny Miljeteig heime i stova på Tøsse i Åkrafjorden.
Foto: Grethe Hopland Ravn
10 Kjappe
Fjorden har stelt vel med Oddny
Den 5. oktober fylte Oddny Irene Miljeteig 65 år, og same dag blei biografien Hjartebank lansert. Her kan folk lesa om livet hennar, og i slutten på veka blir det bokbad både i Åkrafjorden og i Skånevik
Til fjordhotellet i Skånevik og til Åkrafjordtunet kjem 65-åringen saman med forfattar av boka, Kjersti Mjør, til dagleg journalist i Bergens Tidende. Saman skal dei snakka om boka til alle som kjem, og hovudpersonen synest forfattaren har gjort ein god jobb.
— Folk let vel og seier boka er veldig godt skriven. Kjersti Mjør er jo ein prisløna journalist, med ein penn i særklasse, seier Miljeteig.
Mellom anna kom over 200 personar til eit arrangement i Bergen, der det i utgangspunktet ikkje var plass til fleire enn 150. I slutten på veka kjem ho heim» og ho gler seg.
