Fekk respons på forretningsidé

Det er julestemning i lokalet inne på Ølen senter, som medieklassen har fått disponere til å gjennomføre prosjektet som dei har arbeidd med den siste tida. Publikum vert møtt med lukt frå peparkaker, vaflar og varm kakao på hjørnet ved blomsterbutikken. Det er innbydande og julepynta dekor og plakatar som fortel kva tenester elevbedrifta har å tilby, betjent av spente og smilande elevar.

Frå plan til fotostudio

Utandørs er det helst surt vêr der regn og vind ruskar og er lite som kan assosierast med jul. Førjulsstemninga finn ein først når ein kjem innom dørene på kjøpesenteret. I eit av lokala har elevbedrifta Alfa Omedia har stelt i stand med fotostudio med tilhøyrande fotoutstyr der europaller er grunnstamma, pynta med lys og detaljar som gir julestemning og varme. Prosjektteamet på 14 elevar og lærar har jobba og planlagt ned til minste detalj, i tillegg til å sende ut fin pressemelding til Grannar og TV Haugaland.