Får vaksine-hjelp av apoteka

Vaksinering er blitt ein del av arbeidskvardagen for tilsette i mange av landets apotek og nå kan vaksine mot covid-19 snart føyast til vaksinelista. Nyleg tok Apotekforeininga på vegner av meir enn 900 vaksine-apotek kontakt med kommuneleiinga i 220 kommunar her til lands med tilbod om vaksinering på apotek. På deira lista over apotek som kan tilby vaksinering er Apotek 1 Ølen og Vitusapotek Etne, og begge er klare til å ta gjennomføra vaksinering i apoteket dersom kommunen ønsker hjelp til å få unna vaksinekøen som er venta å koma så snart tilgangen på vaksine tek seg opp.

— Me vil finna kapasitet til dette og me har kvalifisert helsepersonell som veit kva dei skal gjera om noko skjer, seier apotekar ved Vitusapotek Etne, Libor Fiser, og står klar med sprøytespissen dersom det skulle bli behov.

Han er har alt hatt mange kundar som etterlyser vaksinering i apotek og understrekar kor viktig det er med fortgang i vaksinearbeidet.