Vindafjord kommune får støtte av Statsforvaltaren i Rogaland til rusarbeid. Her er ordførar Ole Johan Vierdal (f.v.) og kommunedirektør Yngve Folven Bergesen frå kommunen saman med Statsforvaltaren Bent Høie i Rogaland, kommunikasjonssjef John Gunnar Skien hos Statsforvaltaren i Rogaland og rådgjevar Inger-Kathrine Kjølleberg hos Statsforvaltaren i Rogaland samla på rådhuset i Ølen i samband med førebuingane til kongeparet sitt besøk i 2024.
Arkivfoto: Nils Erik Eide/Vindafjord kommune
Får pengar til arbeid mot rus
Det går fram av eit vedtaksbrev frå Statsforvaltaren i Rogaland, datert 4. april. Vedtaket er signert av assisterande direktør Rigmor Kvia de Waard og fagleiar og seniorrådgjevar Sita Grepp hos Statsforvaltaren i Rogaland.
Tilskotet skal nyttast til å styrkja det kommunale arbeidet med personar som slit med rusmiddelrelaterte utfordringar, og tilbodet deira skal no utvidast med ein miljøarbeidar i 80 prosent stilling. Denne stillinga skal ha fokus på oppfølging av brukarar i eigen bustad.
— Målet med ordninga er å bidra til betre livskvalitet og meistring for personar som slit med rus, og samstundes støtta dei pårørande, skriv Kvia de Waard og Grepp.
