Fagmann av dei sjeldne

Heime i garasjen på Fjøsna i Etne har Knut Hamre rigga seg til med sin eigen verkstad. Her har han alt som trengst når gamal måling og kitt skal fjernast og nye ruter skal på plass i gamle slitne vindauge som for lengst har sett sine beste dagar. Grovarbeidet gjer han utandørs med garasjeportane på vidt gap, men når nytt treverk skal sagast til og flettast inn mellom dei gamle trerammene tyr han til verkstadavdelinga i kjellaren.

— Eg har verkstad både ute og inne, men når eg skal fjerna måling er det best å stå ute. Eg brukar varmluft og skrape og då blir det litt støv, seier han og rettar varmluftspistolen mot treramma før han går over med målingsskrapa.

Spennande