Den økonomiske gevinsten av å eige eigen bustad er særleg stor i byane, der bustadprisane er høgare enn i resten av landet.
Foto: Vegard Wivestad Grøtt / NTB / NPK
Færre med bustad utan rike foreldre
Blant dei med dei rikaste foreldra eig heile 50 prosent sin eigen bustad når dei er fylt 25 år. For dei med foreldre nedst på formuesstigen er det tilsvarande talet 20 prosent.
– Altså er det godt over dobbelt så sannsynleg at ein som veks opp med foreldre i formuestoppen eig bustad, fortel artikkelforfattar Elisabeth Løyland Omholt i SSB.
Ved 30 års alder er avstanden noko lågare, men framleis nesten dobbel i storleik, med høvesvis 83 og 42 prosent som eig eigen bustad. Tala viser også at forskjellane er høgare i byane enn i distrikta.
