Rundt 40 menneske mistar livet i brann i Noreg kvart år. Dei fleste i bustaden sin. Likevel har åtte av ti aldri hatt brannøving heime. Her ser vi ein brannbil framfor eit brennande hus under ei øving.
Foto: Paul Kleiven / NTB/ NPK
Få av oss har hatt brannøving heime
Rundt 40 menneske mistar livet i brann i Noreg kvart år. Dei fleste i bustaden sin. Likevel har åtte av ti aldri hatt brannøving heime.
Det syner ei undersøking Kantar har gjennomført på vegner av Brannvernforeningen. 1029 personar har svart på undersøkinga.
Denne veka går Nasjonal brannøving av stabelen. Det er eit årleg initiativ i samband med brannvernveka, og blir gjennomført i regi av Brannvernforeningen i samarbeid med Direktoratet for samfunnstryggleik og beredskap og Gjensidigestiftelsen. På ei eiga nettside kan kvar og ein av oss legge inn informasjon om bustad og få tips til gjennomføring av brannøving.
