Etne Sparebank går inn i storbank

For eitt år sidan avslutta Etne Sparebank og Tysnes Sparebank ein prosess om ein felles bank i Sunnhordland. I etterkant har den lokaleigde banken i Etne, under leiing av banksjef Rune Ramsvik, søkt mot storbanken Sparebanken Vest.

— Som lokalbank i Etne har me fått vera med på å bygga den fantastiske fellesskapen som me har her i bygda. Dei verdiane som finst her, er det me nå jobbar for å trygga. Det er ei vemodig avgjerd å ta, men styret i Etne Sparebank meiner likevel at ei samanslåing med Sparebanken Vest er den rette vegen å gå, seier Rune Ramsvik, banksjef i Etne Sparebank, i ei pressemelding måndag føremiddag.

— Banken er bygda sin, og slik vil det fortsatt vera – også som Sparebanken Vest, legg han til.