Ella Marie kjem til Etne

Innehavar av Saloonen i Etne, Aslaug Olden Mala er kjent for å ha nase for kven som er høgaktuelle namn når ho bookar band til Saloonen i Etne. Ikkje minst då ho signerte Lothepus i fjor vinter, like før han vann Farmen på TV2 og over natta blei like populært som Sputnik i si tid. Etne sto på hovudet då den folkekjære oddingen kom til bygda.

No har den driftige 77-åringen på ny klart å signere eit høgaktuelt namn. Og det ved ein rein tilfeldigheit.

— Eg skulle booke Raga Rockers til ein konsert i mars neste år, og snakka med agenten deira på fredag. Då spurte han om eg ikkje var interessert i finalistane i Stjernekamp, for han var agent for begge to.