Ekspertutval: Barnehage, skule og SFO kan bidra til å jamne ut sosiale ulikskapar
Det er stor samanheng mellom kor godt elevane gjer det og kva familie dei kjem frå. Torsdag kom ei ekspertgruppe med sine tilrådingar til regjeringa.
Auk kvaliteten i barnehagar og SFO, sikre ein betre overgang mellom barnehagen og skulen og auk barnehagedekninga ytterlegare. Dette er blant hovudtilrådingane ekspertgruppa overrekte kunnskapsminister Kari Nessa Nordtun (Ap) torsdag.
I tillegg tilrår ekspertane at skulane i større grad legg til rette for systematisk trening på sosioemosjonelle ferdigheiter, som mellom anna inneber sjølvdisiplin, sosialt medvit, og relasjonsbygging.
