Kommunalsjef Hans Erik Lundberg appellerer til formannskapet om ei avgjerd i saka som handlar om båthamn på Tysse. F.v.: Kristin Golf (V), Hans Erik Lundberg, Siri Klokkerstuen (Ap), kommunedirektør Bjørn Tollefsen, Kari Aakra (Sp), ordførar Mette Heidi Bergsvåg Ekrheim (Sp) (skjult), varaordførar Kenneth Karlsen (Frp)
Foto: Grethe Hopland Ravn
Éin million for å få kai ut på anbod
Dialogen rundt ny båthamn på Tysse har vore gjentakande i mange år, og politisk behandla opptil fleire gonger. Seinast i 2018 med mål om å få på plass ei heilårs småbåthamn for dei fastbuande på Eikemo, i tillegg til å utvida eksisterande kai og å etablera ein parkeringsplass. Småbåthamna skal ha plass til tre mindre båtar, ein fraktebåt og båtplass til grunneigar. Så hamna må dimensjonerast for fem båtplassar.
I formannskapet sist tysdag var tilrådinga frå kommunedirektør Bjørn Tollefsen at Etne kommune finansierer og utarbeidar anbodsdokument for bygging av ny kai på Tysse, samt utviding av kai-arealet på Eikemo-sida. Arbeidet med å laga anbodsdokument kan starta snarast, og kostnadane på inntil éin million kroner skal finansierast med lånte midlar. Denne tilrådinga stemte eit samla formannskap for, men kravde i tillegg at det blir utarbeidd ein finansieringsplan for småbåthamna.
Vil ikkje fullfinansiera
