I fjor var éin av fem som reiste med fly innanriks, utanlandske, ifølgje ein ny rapport.
Foto: Håkon Mosvold Larsen / NTB / NPK
Éin av fem som reiste med fly innanriks, var utanlandske
Nordmenn flyg mindre både innan- og utanriks. I fjor var éin av fem som reiste med fly innanriks, utanlandske, ifølgje ein ny rapport.
Talet på utlendingar på flygingane innlands held fram med å auke. 18 prosent av innanlandsreisene blir no gjennomførte av busette i utlandet, skriv Forskning.no.
Størst tal hadde ruta Oslo–Tromsø med 116.000 utanlandske passasjerar i 2023. Det er ti prosent av alle reisande på denne ruta.
– Nordmenn flyg mindre både innan- og utanriks. Totalt sett ligg talet på reiser rundt 10 prosent bak 2019-nivå, seier forskar og prosjektleiar Jon Martin Denstadli ved Transportøkonomisk institutt (TØI).
