E134: Millionstøtte frå stifting

Agenda Vestlandet, stiftinga til Sparebanken Vest, har gjeve 1 million kroner for å styrkja arbeidet med vegprosjekta langs E 134 og den vidare koplinga til Bergen. Dette bidraget frå stiftinga, som siktar på å vera ein drivkraft i det grøne skiftet på Vestlandet, utgjer ein vesentleg støtte til dei lokale interesseselskapa.

— Denne delen av Vestlandet er i rivande utvikling, og forbetra E 134 er ein nødvendig faktor for å lukkast, seier Nils Mikal Emberland i Sparebanken Vest, ifølgje Hardanger Folkeblad.

E 134 Haukelivegen AS og Hordalandsdiagonalen AS skal blant anna nytta midlane til kommunikasjon og vidareutvikling av kunnskapsgrunnlaget for E 134-prosjekta. Ein av dei mest aktuelle planane for tida er knytt til konseptvalutgreiinga for E 134 mot Bergen, der Statens vegvesen allereie har tilrådd ein rute via Odda.