Fylkesutvalet vedtok torsdag administrasjonen sitt framlegg til finansiering av Kvinnherdpakken.
Eit framlegg som i utgangspunktet betyr at det blir innkrevjing av bompengar til prosjektet på ferja mellom Skånevik og Utåker. Dette har som kjent ført til sterke protestar i Etne kommune, og i Skånevik-samfunnet spesielt. Både fordi prisen på ferjebilletten blir nesten dobla, og at ingen av pengane vil kome prosjekt på den smale og farlige fylkesveg 48 mellom Skånevik og E134 i Stordalen.
Men sjølv om det var fylkesrådmannen sitt forslag som vart vedtatt torsdag, har fylkesutvalet har sett døra på gløtt når det gjeld spørsmålet om å ta inn finansiering av vegprosjekt på Etne si side av ferjesambandet. For i eit tilleggspunkt til vedtok Fylkesutvalet å be administrasjonen undersøkje om Kvinnheradpakken også kan finansiere tiltak i Etne/Stord kommunar, til dømes knytta til miljøgateprosjektet eller utbetring av snøggbåtkaien, og kva konsekvensar dette eventuelt vil få for den vidare prosessen.
